Upphaflega byggðist rækjuvinnslan upp í kringum veiðar á innfjarðarrækju úr Húnaflóanum, en nú seinni ár er innflutt frosið hráefni uppistaðan í vinnslunni. Eigendur fyrirtækisins í dag eru Kaupfélag Steingrímsfjarðar og FISK Seafood hf með 50% eignarhlut hvort félag. Hjá fyrirtækinu starfa um 25 manns og er það stærsti vinnustaður á Hólmavík. Fyrirtækið leggur mikið upp úr góðum starfsanda, góðum aðbúnaði starfsfólks og góðu samstarfi starfsfólks og fyrirtækisins.